“Anne, çocuğunu görmediğinde çocuk da kendini görmeyi öğrenemez. Eğer annenin gözlerinde kendi değerinizi göremiyorsanız, yetişkinliğinizde tüm dünyayı gezip başkalarının gözünde kendi değerinizi aramaya mahkûm olursunuz.”
Var Olan Annenin Yokluğu / Jasmin Lee Cori
Türkçə. 189 səhifə
Orijinal dil – ingilis dili
Orijinal adı – The Emotionally Absent Mother: A Guide to Self-Healing and Getting the Love You Missed
Psixologiya. Psikoloji. Kişisel gelişim
Həyatımızın ilk illərində dünyanı bir aynadan izləyirik və o ayna bizim anamızdır. Bəs o ayna sınıqdırsa və ya bizi heç əks etdirmirsə? Jasmin Lee Cori özünün məşhur “Var Olan Annenin Yokluğu” (The Emotionally Absent Mother) kitabında məhz bu ağrılı, lakin çox vaxt gizli qalan yaraya işıq tutur.
Emosional Yoxluq Nədir?
Bir çoxumuz üçün “anasızlıq” dedikdə ananın fiziki itkisi başa düşülür. Lakin Cori bizə daha mürəkkəb bir mənzərəni göstərir: Fiziki olaraq evdə olan, uşağın yeməyini verən, geyimini təmiz saxlayan, lakin onun duyğularına toxunmayan ana. Bu uşaqlar böyüdüklərində “hər şeyim var idi, amma niyə özümü bu qədər tənha hiss edirəm?” sualı ilə baş-başa qalırlar.
Kitabın Ana Xəttləri və Bizə Öyrətdikləri
1. “Yaxşı Ana”nın 10 Missiyası: Müəllif kitabda sağlam bir ananın uşağın ruhunda yerinə yetirməli olduğu funksiyaları sadalayır. Buraya təhlükəsiz sığınacaq olmaq, uşağı “görmək” (onun varlığını təsdiqləmək), duyğularını tənzimləməyə kömək etmək və onu dünyaya hazırlamaq daxildir. Bu funksiyalardan biri əskik olduqda, uşağın daxili dünyasında “ana boşluğu” yaranır.
2. Görünməyən Yaralar: Emosional yoxluq fiziki zorakılıq kimi iz qoymur, o, daha çox bir “əskiklik” kimi hiss olunur. Cori bu əskikliyin yetkinlik yaşındakı fəsadlarını belə qruplaşdırır:
- Daimi boşluq və mənasızlıq hissi.
- Özünə inamın aşağı olması və “mən kifayət deyiləm” düşüncəsi.
- Münasibətlərdə həddindən artıq yapışqan və ya həddindən artıq məsafəli olmaq (bağlanma problemləri).
3. Sağalma Mümkündür: Kitabın ən güclü tərəfi odur ki, o, sadəcə diaqnoz qoymur, həm də müalicə yolu göstərir. Müəllif oxucuya “öz-özünün anası olmağı” öyrədir. Bu, daxili uşağı dinləmək, keçmişin yasını tutmaq və bu gün özümüzə ehtiyac duyduğumuz o şefqəti göstərməyi ehtiva edir.
Niyə Bu Kitabı Oxumalısınız?
Əgər siz də münasibətlərinizdə daim eyni dalğana düşürsünüzsə, özünüzü sevməkdə çətinlik çekirsinizsə və ya valideynlərinizlə münasibətlərinizdə izah edə bilmədiyiniz bir soyuqluq varsa, bu kitab sizin üçün bir kompas rolunu oynayacaq. Cori-nin dili son dərəcə şefqətli və bələdçi xarakterlidir.
Gmworldbook-un Qeydi:
Bu kitab bir günahlandırma kitabı deyil. Bu, anladığımız zaman azad ola biləcəyimiz bir zəncirin hekayəsidir. Yaralarımızı tanımaq, onları sağaltmağın ilk addımıdır.
Yorum bırakın