GMworld

Mən bir solmaz yarpağam ki, çiçəkləri bəzərim,

Mən bir susmaz duyğuyam ki, ürəkləri gəzərim.

Mən səninçün ömrüm boyu cəfalara dözərim,

Sənsiz güllər açılmasın, axar çaylar dayansın.

Oxu, bülbül, bəlkə yarım oyansın!..

Mən bir sönməz ulduzam ki, daim işıq saçarım,

Mən bir oynaq bülbüləm ki, güldən-gülə uçarım,

Mən bir saqlı aləməm ki, sevgilərdir açarım.

Sənsiz günəş görünməsin, qaralara boyansın,

Oxu, bülbül, bəlkə yarım oyansın!

Mən səninçün şəfəqlərdən süslü bir tac yaparım,

Yol ver mənə, gül dərmişəm, sevdiyimçün aparım!

Arar, arar, arar, arar, axır səni taparım;

Sənsiz solsun göy yarpaqlar, axar sular bulansın,

Oxu, bülbül, bəlkə yarım oyansın!

Cəfər Cabbarlı